-- Advertisements --
BUTUAN CITY – Ipinasakamay na ng mga tauhan ng local government unit ng Cabadbaran City, Agusan del Norte sa Department of Environment and Natural Resources (DENR) ang isang head grass owl.
Ang nasabing ibon ay nailigtas ng mga kawani ng Department of Public Works and Highways (DPWH) Caraga sa Brgy. Sanghan, Cabadbaran City na may injury sa kanyang kanang pakpak.
Kaagad naman itong dinala sa City Veterinary Office para sa general check-up kungsaan nilinis ng city veterinarian ang sugat nito at tinurukan ng anti-bacterial shot upang maiwasan ang impeksyon.
Sa ngayon, temporaryong nasa kustodiya ang kuwago sa CENRO-Tubay compound bago ito itu-turn over sa Regional Wildlife Rescue Center sa bayan naman ng Kitcharao.
