-- Advertisements --
CAGAYAN DE ORO CITY – Huli ang isang sundalo at apat na kasama dahil sa pangha-hijack sa Upper Puerto, lungsod ng Cagayan de Oro.
Paakyat sa naturang lugar ang dalawang cargo vehicles nang kinuha ni Army Cpl. Manolo Tilap at mga kasama ang ilang kargamento.
Sinabi ni Col. Ferdinand Barandon, commanding officer ng 403rd Brigade Philippine Army na hindi sila makikialam at hahayaan na lamang ang kanilang sundalo na harapin ang kinasangkutang nitong krimen.
Ayon kay Barandon, nakatakda na sanang magretiro si Tilap at sa katunayan ay pirmado na niya ang dokumento nito para sana sa paglisan sa serbisyo.
