-- Advertisements --
ILOILO CITY – Hindi pa rin naaapula hanggang sa ngayon ang apoy matapos masunog ang Gaisano Grand Mall sa Barangay 8, San Jose, Antique.
Sa eksklusibong panayam ng Bombo Radyo Iloilo kay BFP Region 6 Director Fire Senior Supt. Atty. Jerry Candido, sinabi nito na sa ngayon, patuloy pa rin ang pagkalat ng apoy sa ikalawang palapag ng mall mula ng sumiklab ang sunog kahapon ng hapon.
Delikado rin anya na pasukin pa ang loob ng mall dahil maaaring malaglag ang maraming bahagi ng kisame matapos ang sunog.
Sa kabilang dako, hindi muna nagbukas ang mall habang patuloy na nakikibaka ang mga bombero para maapula ang apoy sana nagsimulang masunog pasado alas-5:00 pa kahapon.
