-- Advertisements --
Naapula na ang sunog sa bahagi ng Metropolitan Medical Center sa Sta. Cruz, Maynila.
Ayon sa Bureau of Fire Protection, nagsimula ang sunog pasado ala-una ng madaling araw nitong Sabado.
Umabot pa sa ikalawang alarma ang nasabing sunog na nagsimula sa ikapitong palapag ng pagamutan.
Dahil sa insidente ay inilabas ang mga pasyenteng naka-confine sa pagamutan.
Matapos ang mahigit isang oras ay tuluyang naapula ng mga rumespondeng bumbero ang sunog.
Nagsasagawa na ng imbestigasyon ang mga otoridad ukol sa insidente.
