Davao City–Patay ang isang 37-anyos na tricycle driver matapos manlaban umano sa mga otoridad sa inilunsad na hot pursuit operation pasado alas nueve kagabi sa Brgy.76-A, Bucana, lungsod ng Davao.
Ayon sa report ng San Pedro Police station, inilunsad ang hot pusuit sa suspek na nakilala sa pangalang Dennis 37-anyos matapos na magsumbong ang ina na si Melody 34-anyos na ang kanyang 12-anyos na grade 4 pupil ay hinalay umano ito ng kanyang kalaguyo. Nangyari ang insidente pasado alas 8:00 ng umaga nang bigla umanong pumasok ang suspek sa tinutulugan ng biktima at doon niya ito hinalay. Sinabi ng biktima sa kanyang ina na hindi na ito nakapalag sa ginawa ng suspek dahil bigla na lamang hinubad ang kanyang pajama at pinagbantaan pa ito.
Agad na nirespodehan ng pulisya ang krimen at hinanap ang suspek. Nagkataon ito na nandoon sa kanilang tinutuluyang bahay at aarestuhin na sana ito kasama ang WCPD ngunit bigla umanong bumunot ng kanyang .38 revolver, agad naman itong napigilan ng mga pulis at nabaril ang suspek. Dinala pa ito sa pinakamalapit na ospital ngunit ideneklara ito ng mga doktor na dead on arrival.
Sa crime scene narekober ng SOCO ang .38 rebolber na pagmamay-ari ng suspek na walang serial number.
Samantala isinailalim naman sa medikasyon at eksaminasyon ang 12-anyos na biktima dahil sa pangyayari.
