Swimmer mula sa Pasig City nagtala na ng 3 gold medal sa Batang Pinoy

Nakapag-uwi ng tatlong gintong medalya si Arvin Naeem Taguinota II ng lungsod ng Pasig sa Batang Pinoy swimming competition.

Matapos kasi na makakuha ng gintong medalya sa simula ng torneo ay nadomina nito ang Boys 12 at Under 50 meters backstroke na mayroong 31.15 segundo.

Habang ang Boys 12 and Under 100 meters Backstroke ay natapos nito ng 1 minuto at 05.63 segundo.

Ang 12-anyos na swimmer ay kinilala bilang Best Swimmer sa kaniyang age group competitions sa Dubai.

Magugunitang unang naitala nito ang gintong medalya sa Boys 8-12 years old 200M Individual Medley.