Taal Volcano, nakapagtala ng serye ng pagyanig at pagbuga ng usok

Nakapagtala ng mga panibagong volcanic activity ang Phivolcs sa Taal Volcano.

Kabilang dito ang anim na volcanic tremors na tumagal ng lima hanggang 14 na minuto.

Naka-detect din ng 1,500 metrong taas ng malakas na pagsingaw ng usok.

Napadpad ito sa hilaga-hilagang-silangan at hilaga-hilagang kanluran ng Taal sa lalawigan ng Batangas.

Naobserbahan din ang ground deformation sa bulkan, partikular na sa may Taal Caldera, mula pa nitong mga nakaraang araw.