-- Advertisements --
Suportado ng Management Association of the Philippines ang taas-pasahe sa LRT Line 1 para sa pagpapaganda ng serbisyo at pagpapalawak ng kanilang railway system.
Maaalalang sinumulan ang pagpapatupad ng bagong minimum single journey at maximum end-to-end rate na P20 at P55 noong Abril 2 ng taong ito.
Ito ay limang piso at sampung pisong pagtaas mula sa dating P15 na minimum single journey at P45 na maximum end-to-end rate.
Kabilang rin aniya sa ginawa ngayon ay ang extension ng LRT-1 mula Baclaran hanggang Dr. A. Santos Avenue sa lungsod ng Parañaque.
Ito ay natapos aniya bago pa man inilabas ang adjustment sa pasahe .
Malapit na rin aniya ang extension hanggang Zapote , Parañaque at Bacoor sa lalawigan ng Cavite.
