CENTRAL MINDANAO- Binawian ng buhay ang isang mataas na lider ng Bangsamoro Islamic Freedom Fighters (BIFF) sa lalawigan ng Maguindanao.
Nakilala ang rebelde na si Sheikh Al Muhajir Solaiman Tudon alyas Kumander Abu Jihad na tagapagsalita ng BIFF Karialan faction.
Ito ang kinomperma ni Abu Sabaha,General Staff ng BIFF Karialan faction.
Matindi umano ang sugat ni Kumander Abu Jihad sa aitstrike ng Joint Task Force Central sa bayan ng Datu Paglas kaya t uluyan na itong binawian ng buhay habang nagtatago sa Liguasan Delta.
Matatandaan na unang binawian ng buhay ang Pinuno ng BIFF Karialan faction na si Sheikh Muhideen Animbang Endong Alyas Ustadz Kagi Karialan na tinamaan sa airstrike ng military sa SPMS Box.
Sa ngayon ay wala pang napipisil ang BIFF Karialan faction na pumalit sa dalawa nilang opisyal na nasawi.
