-- Advertisements --
Magbubukas ngayong araw sa lungsod ng Taguig ang tinaguriang Bakuna Nights.
Isasagawa ito sa Taguig High Street Mega Vaccination simula ngayong araw at hanggang alas-dose na sila ng hatinggabi.
Ayon sa Taguig City government na kapag magtagumpay ang nasabing pagpapabakuna ay gagawin na nila itong 24 oras.
Target ng nasabing Taguig Bakuna Nights ang mga empleyado na walang oras na magtungo sa mga vaccination center ng lungsod tuwing office hours.
Kasama rin dito ang mga artists, musicians na nagtatrabaho sa mga cafes, restaurants at hotels.
Dahil sa pagsisimula na ng Bakuna Nights ng Taguig ay malaki ang posibilidad na madadagdagan na ang bilang ng mga mababakunahan sa bawat araw.
