-- Advertisements --
Nakamit ng Taguig City government ang 200% na daily COVID-19 vaccination sa loob ng isang araw.
Nitong nakalipas na Sabado ay nagtala ng 16,625 na COVID-19 vaccines ang naiturok.
Ito ay 200% sa 8,000 na vaccination daily target sa National Vaccination Operations Center.
Sinabi ni Taguig City Mayor Lino Cayetano na malaking tulong sa nasabing vaccination ang mga pagsisikap ng kanilang health workers.
Patuloy pa rin ang panawagan nito sa mga nais na magpabakuna laban sa COVID-19 na madaliin na pumila habang hindi pa gaanong naghihigpit dahil sa nakatakdang papapatupad ng enhanced community quarantine mula Agosto 6 hanggang 20.
