KALIBO, Aklan – Masuwerteng hindi natuloy ang panggagahasa sa isang babae sa loob ng panaderyang pinagtatrabahuhan sa Roxas Avenue, Kalibo, Aklan.
Ito’y matapos hatakin ng naturang babae ng buong lakas ang ari ng rapist.
Nabatid na magsasara na sana ang 40-anyos biktima ng kanilang roll-up door nang biglang sumulpot ang lasing na suspek na si Jason Tallon, 23, residente ng Poblacion, Makato at bibili raw ng tinapay.
Tumanggi umanong lumabas ng tindahan ang biktima at tumakbo ito sa kanilang kuwarto, subalit hinabol at naabutan siya ng suspek.
Nasorpresa na lamang ang biktima nang niyapos siya at pilit na pinapahiga ng suspek.
Nang makatiyempo ay hinila raw niya ang ari ng suspek para makatakas.
Sa follow-up operation ng pulisya, nahuli ang sinasabing rapist na kasalukuyang nakakulong na sa lock-up cell ng Kalibo-Philippine National Police.
