Patay ang Hollywood actor na si Joe Lara matapos na bumagsak ang eroplanong sinakyan nito.
Ayon sa imbestigasyon lulan ng private plane ang 58-anyos na actor kasama ang asaw at ilang kaibigan mula sa Smyrna Airport sa Nashville at patungo sa Palm Beach, Florida ng ito ay bumagsak ilang minuto matapos na ito mag-take off.
Natagpuang wala ng buhay ang mga lulan ng Cessna 501.
Kabilang sa nasawi ang asawa ng actor na si Gwen Lara, Jennifer J. Martin, David L. Martin, Jessica Walters, Jonathan Walters, at Brandon Hannah pawang mga kasamahan nito sa simbahan.
Sumikat ang actor sa pagbida nito sa “Tarzan: The Epic Adventures” mula 1996 hanggang 2000 na mayroong 22 episodes.
Ilan sa mga pelikulang kasama ito ay ang “Steel Frontier”, “Sunset Heat”, “Gunsmoke: The Last Apache”, “Baywatch”, “The Magnificent Seven” at maraming iba pa.
Naulila ng mag-asawa ang dalawang anak nila.
