-- Advertisements --
Unti-unti na dumadagsa ang mga pasahero sa mga terminal ng Bus bilang paghahanda sa kanilang pag-uwi sa kani-kanilang probinsiya para sa darating na pasko at bagong taon.
Bagamat hindi pa ito ang inaasahang peak kung saan mapupuno ng mga pasahero ang mga terminal ay umabot na ngayon araw sa 60,843 ang mga pasahero sa Paranaque Integrated Terminal Exchange (PITX).
Ayon kay PITX Spox. Kolyn Calbasa, sa ngayon ay wala pa naman aniyang mga naitatalang fully-booked at cancelled trips habang papalapit ang pasko.
Handa naman ang pamunuan ng PITX sa inaasahan na pagdagsa ng mga pasahero lalo na pagpatak ng December 20. Inaasahan kasi nila na papalo sa 3 milyong mga pasahero ang magbu-book na ng kanilang mga trips palabas o papuntang Maynila.
