Team Serbisyong Totoo ng Nacionalista Party ng North Cotabato nakipag-alyansa sa Hugpong ng Pagbabago

CENTRAL MINDANAO-Nilagdaan nina Cotabato Vice-Governor Shirlyn Macasarte Villanueva at Davao City Mayor Inday Sara Duterte ang alyansa ng Team Serbisyong Totoo ng Nacionalista Party ng North Cotabato at Hugpong ng Pagbabago sa Provincial Gym sa Brgy Amas Kidapawan City.

Sinaksihan naman ito nina incumbent Cotabato Governor Emmylou”Lala” Taliño Mendoza at Gobernatorial Candidate at Carmen Mayor Rogelio”Manong Roger”Taliño,kasama ang libo-libong tagasuporta at buong pwersa ng Team Serbisyong Totoo.

Itoy kasabay ng Proclamation Rally na dinaluhan nina Senatorial Candidate Ronald “Bato “Dela Rosa,Francis Tolentino,JV Ejercito,Dong Mangudadatu,Ramon Revilla Jr,Pia Cayetano,Bong Go,Cynthia Villar,Imee Marcos at Jiggy Manicad .

Kung saan sinuyo nito ang mga botante na silay suportahan at iboto ngayong nalalapit ng halalan.

Sinabi naman ni Mayor Inday Sara Duterte at Gov Mendoza na ang alyansa ng Team Serbisyong Totoo at Hugpong ng Pagbabago ay nagpapatunay lamang ng matibay at malakas na samahan ng dalawang grupo sa nalalapit na eleksyon.

Pormal rin na Inindorso ni Davao City Mayor Inday Sara Duterte Ang Team Serbisyong Totoo sa ilalim ni Manong Roger Taliño.

Siniguro rin ni Gov Mendoza at Gobernatorial Candidate Manong Roger na makakakuha ng malaking boto ang mga kandidatong Senador ng Hugpong ng Pagbabago.