-- Advertisements --
Nasangkot sa madugong aksidente ang Hollywood actor at dating California governor Arnold Schwarzenegger.
Base sa mga otoridad, minamaneho ng actor ang kaiyang Yukon SUV sa kahabaan ng Sunset Blvd. sa California ng ito ay nawalan ng kontrol.
Dahil sa insidente ay nabangga nito ang pulang Prius na kotse at tumama rin sa kasunod na Porsche Taycan.
Sugatan ang babaeng driver ng Prius na agad namang itinakbo sa pagamutan.
Labis naman ang pag-aalala ng actor sa biktima kaya balak nitong pasyalan sa pagamutan.
Patuloy pa rin na inaalam ng mga otoridad ang sanhi ng aksidente na kinasangkutan ng actor.
