-- Advertisements --
Umangat pa ang puwesto ni Tesla CEO Elon Musk sa listahan ng pinakamayamang tao sa buong mundo.
Ayon sa Bloomberg Billionaires Index ng world’s 500 wealthiest people, nasa pangalawang puwesto na ito.
Mayroong $127.9 billion ang kabuuang yaman nito.
Dahil dito ay kapantay na niya sa pangalawang puwesto si Microsoft co-founder Bill Gates.
Sinasabing mas mataas pa ang kayamanan ni Gates kung hindi lamang sa kaniyang pagiging philantropist.
Kasama ng asawa nitong si Melinda Gates ay nangako sila na ibibigay nila bilang donasyon ang halos lahat ng kanilang yaman sa charity.
Nasa unang puwesto pa rin naman si Amazon CEO Jeff Bezos na mayroong estimated na yaman na $182 billion.
