CEBU – Hindi pinalampas ng mga otoridad ang tatlong suspek na umano’y sangkot sa kalakaran ng iligal na droga sa iilang lugar ng Cebu.
Kinilala ang mga na-aresto ng San Fernando Police na sina Carlos Collados; Anthony Zafra Balmori at Vergel Zafra Luna Jr. na arestado sa pamamagitan ng buy bust operation sa Brgy. Pitalo bayan ng San Fernando.
Sa imbestigasyon ng otoridad matagal na minomonitor ang mga nabanggit na hindi rin umano nagpapigil sa kanilang kalakaran sa iligal na droga kahit na sa kasagsagan ng COVID-19 crisis.
Sa impormasyon ng San Fernando Police, nagmula pa sa Talisay City, Cebu ang tatlo at bibiyahe sana sa mga karatig lugar ng naturang bayan upang mag-deliver ng pinaniniwalaang illegal drugs na tinatayang aabot sa P1 million.
Patuloy naman na binabantayan ng otoridad ang posibleng iba pang kasamahan ng mga suspek matapos na isa sa mga ito ay dati nang nakulong dahil pa rin sa illegal drugs.
