-- Advertisements --
CENTRAL MINDANAO – Naabo sa sunog ang isang tindahan sa bayan ng Makilala, North Cotabato nitong Sabado ng gabi dulot ng malaking sunog.
Sa ulat ng Bureau of Fire Protection (BFP)-Makilala, biglang nagliyab ang Panadero Breadcart sa Barangay Poblacion sa nasabing bayan.
Agad rumesponde ang mga bumbero kasama ang mga firetrucks ng Tacurong City at ibang lugar kaya agad naapula ang apoy.
Posibleng faulty electrical wirings ang dahilan ng sunog na patuloy ngayong iniimbestigahan ng BFP-Makilala.
Sa ngayon ay patuloy na nagsisikap ang Cotabato Electric Cooperative (COTELCO) na maibalik ang suplay ng kuryente sa bayan ng Makilala lalo na sa lugar na nasunugan.
