KALIBO, Aklan — Arestado ang 26-anyos na lalaki matapos umano niyang gahasain ang 8-taong gulang na pamangkin sa Batan, Aklan.
Nagsumbong sa Batan Police Station ang ina ng bata nang malamang pinagsamantalahan ang kanyang anak.
Ayon kay P/Major Gilbert Baldevarona, hepe ng Batan Police Station na isinalaysay ng Grade 2 learner sa ina na ginahasa siya ng kanyang tiyuhin malapit sa isang balon habang papauwi mula sa paaralan.
Dumaan aniya ito sa lugar upang maglaba ng kanyang underwear nang napadaan ang suspek.
Binibigyan umano ang bata ng P50 na pera upang hindi magsumbong.
Ilang beses na umanong pinagsamantalahan ang bata habang nasa trabaho ang mga magulang nito.
Samantala, patuloy na itinatanggi ng suspek ang panggagahasa.
Desidido ang pamilya na sampahan ng kasong rape ang suspek.
