-- Advertisements --
Isang panalo na lamang ang kailangan ng TNT Tropang Giga para makapasok sa finals ng PBA 49th Season.
Ito ay matapos na talunin nila ang Rain or Shine 93-85 para makuha ang 3-1 na bentahe sa laro na ginanap sa Araneta Coliseum.
Nanguna sa panalo ng TNT si Calvin Oftana na nagtala ng 26 points.
Kapag magwagi sila sa Biyernes ay muli silang makakabalik sa finals dahil sila ang defending champion ng Governor’s Cup noong nakaraang conference.
Nasayang naman ang nagawang 44 points ni Deon Thompson para sa Rain or Shine.
