Top 1 Most Wanted Person Regional level, naaresto sa Ilocos Norte
Unread post by bombolaoag » Tue Feb 07, 2023 3:36 pm
LAOAG CITY – Naaresto sa bayan ng Dingras ang Top 1 Most Wanted person ng regional level at humaharap sa kasong rape at statutory rape sa pamamagitan ng pwersa ng Philippine National Police – Dingras at intelligence units ng Ilocos Norte Police Provincial Office.
Ayon kay PCapt. Norman Pentang, hepe ng Philippine National Police – Dingras, ang suspek ay tubo sa Laoag City ngunit nahuli sa Brgy. San Marcelino, Dingras.
Una rito, ipinaalam ni Pentang na 14-anyos ang biktima ng suspek at nagsimula ang panghahalay nito noong 2022.
Dagdag ng hepe na base sa paliwanag ng biktima ay nangyari sa bayan ng Vintar ang huling panghahalay sa kanya ng suspek at ito ay sa loob ng isang sasakyan.
Aniya matapos ang insidente ay ddon nagreport ang biktima sa kapulisan kung saan agad na naisampa ang kasong rape at statutory rape kontra sa suspek.
Sinabi ni Pentang na Enero ngayong taon na nailabas ang warrant of arrest ng suspek at agad na nahanap ang suspek hanggang sa mahuli sa bayan ng Dingras.
Nanatili ang suspek sa kustodiya ng Philippine National Police – Dingras at inaasahang maipasakamay sa korte na pinaggalingan ng warrant of arrest.
