ROXAS CITY – Tatanggap ng P100,000 incentives mula sa Capiz State University si Mr. Freddie Tanlawan Jr., LPT matapos ito ang nag-top 1 sa Special Professional Licensure Examination (SPLE) for secondary teachers.
Ito ang kinumpirma ni Dr. Editha Alfon, Capiz State University President ng makapanayam ng Bombo Radyo Roxas.
Sinabi nito, na nakapaloob sa kanilang guidelines na tatanggap ng monetary incentives ang mga topnotcher sa kahit anong examination.
Walang pagsidlan naman ang kanyang kaligayahan na nararamdaman dahil sa nakamit na tagumpay ni Tanlawan na graduate ng kursong BS in Electrical Engineering kung saan inilarawan pa nito na isang matalinong estudyante si Tanlawan at matagal ng nakitaan ng potensyal.
maliban sa monetary incentives, handa naman ang Capsu na tanggapin si Tanlawan kung gugustuhin nito maging professor sa nasabing paaralan.
