-- Advertisements --
Arestado ang top 3 most wanted person sa Tangub City, Misamis Occidental sa ikinasang operasyon ng PNP Anti-Kidnapping Group (AKG).
Kinilala ni PNP-AKG Director, Police Brigadier General Jonnel Estomo, ang suspek na si Roger Buhian.
Si Buhian ay naaresto sa bisa ng warrant of arrest na inilabas ng korte sa Tangub City, Misamis Occidental noong Enero 21, 2021.
Naisakatuparan ang operasyon dahil sa ibinigay na impormasyon ng confidential informant sa kinaroroonan ng suspek.
Ayon kay Police Lieutenant Colonel Ronaldo Lumactod, spokesperson ng PNP AKG, nakakulong na sa Tangub City Police Station ang suspek para sa tactical interrogation at booking procedures.
