Inilabas na ng Miss Universe Philippines organization ang top 5 na kandidatang tumatak sa Runway challenge ng pageant.
Kabilang sa pasok sa top 5 sa naturang challenge sina Matea Mahal Smith ng Florida, Alexie Brooks ng Iloilo City, Angel Rose Tambal ng Leyte, Ahtisa Manalo ng Quezon Province, at Stephanie Faye Gerona ng Quirino na nagpamalas ng kanilang pasarelas at confidence sa pagrampa.
Napili ang mga kandidata sa pamamagitan ng kanilang nakuhang votes at ang mananalo ay awtomatikong makakakuha ng spot sa finals.
Nakatakda ngang ganapin ang coronation night ng ikalimang edisyon ng Ms. Universe PH sa Mayo 22 sa Mall of Asia Arena.
Kung saan kabilang sa mga host ng inaabangang pageant ay sina Miss Universe 2022 R’Bonney Gabriel, Alden Richards, Gabbi Garcia, Tim Yap, at Jeannie Mai.
Magpeperform din ang OPM band na Lola Amour at Thai actor na si Win Metawin at kasama rin bilang special guest ang Drag queen na si Marina Summers.
