-- Advertisements --
BAGUIO CITY – Arestado ang isa sa Regional Top 10 illegal drug personality ng Cordillera region sa isinagawang buy bust operation ng mga otoridad sa Jose Abad Santos Drive, Burnham-Legarda, Baguio City kagabi.
Nakilala itong si Joey Mar Pislaan Gando, 30, laborer, residente ng Tulingan, Brgy. 14, Caloocan City at high value individual.
Nakumpiska mula sa kanya ang isang transparent plastic cellophane na naglalaman ng pinaniniwalaang shabu na may bigat na 75 grams at nagkakahalaga ng tinatayang P510,000.
Narekober naman dito ang ginamit na buy bust money at boodle money.
Sa ngayon, nahaharap na si Gando sa kasong paglabag sa Comprehensive Dangerous Drugs Act of 2002.
