Hinamon ni Vera Files President Ellen Tordesillas si Presidential Spokesperson Salvador Panelo na magpakita ng ebidensya sa ibinibintang na umano’y destabilization efforts laban sa Duterte administration.
Ginawa ni Tordesillas ang hamon na ito matapos muling naglabas si Panelo ng umano’y ouster plot na ikinakasa ng Liberal Party (LP), kritiko ng administrasyon, Magdalo party-list at iba pang media outlets para siraan daw si Pangulong Rodrigo Duterte.
Sa isang Facebook post, mariing itinanggi ni beteranong mamahayag ang pag-uugnay sa kanya ni Panelo sa aniya’y “imagined destabilization efforts” laban sa pamahalaan.
“I challenge him to present evidence, not just silly diagrams,” saad ni Tordesillas.
Kabilang sa mga pangalan na napasama sa panibagong matrix na inilabas ni Panelo ay iba’t ibang personalidad mula Vera Filez, Philippine Center for Investigative Journalism, National Union of Peoples’ Lawyers, Rappler, at lawmakers Neri Colmenares, and Carlos Zarate.
Ayon kay Panelo, “very active” ang online collaboration daw sa pagitan nina Tordesillas, Aquino administration spokesperson Edwin Lacierda, Cocoy Dayao, Communist Party of the Philippines founding chairman Jose Maria Sison, Senator Antonio Trillanes IV, Rodel Jayme, Bong Banal, Arman Pontejos, at iba pang LP groups at supporters.
