CENTRAL MINDANAO-Nahuli ng pinagsanib na pwersa ng Philippine Drug Enforcement Agency (PDEA-Maguindanao) at pulisya ang isang drug dealer sa probinsya ng Maguindanao Del Norte.
Nakilala ang suspek na si Loben Dacayao Agpalo 34 anyos at myembro ng Traffic Management Unit ng Northern Kabuntalan LGU.
Ayon kay Maguindanao Police Provincial Director Colonel Noel Sermese na nagsagawa ng drug buybust operation ang mga tauhan ng PDEA at pulisya sa Barangay Gayonga Northern Kabuntalan Maguindanao Del Norte.
Nang i-abot na ng suspek ang shabu sa PDEA asset ay doon na ito hinuli ng mga otoridad.
Nakuha kay Agpalo ang apat na sachets ng shabu na tinatayang nagkakahalaga ng abot sa higit P40,000.
Sa ngayon ay nakapiit na ang suspek sa costudial facility ng NK-PNP at nahaharap sa kasong paglabag sa Republic Act 9165 o Comprehensive Dangerous Drugs Act of 2002.
