CENTRAL MINDANAO-Hinangaan ng mga netizen ang kakaibang estilo ng pamimigay ng tulong ng lokal na pamahalaan ng Datu Montawal Maguindanao.
Nililibot ng Father and Son Trail Group (FASTG) ang mga liblib na lugar sa bayan ng Datu Montawal sa pamamagitan ng pagmomotorsiklo para alamin ang pangangailangan ng taumbayan at mga nararapat na proyekto sa isang Barangay.
Ayon kay Datu Montawal Mayor Datu Ohto Montawal na hindi simpling pagmomotorsiklo ang kanilang ginagawa,nakatulong kana sa mamamayan nakapag-ehersiyo pa.
Ang FASTG ay binubuo ng Alkalde,Vice-Mayor Datu Vicman Montawal,Municipal Administrator Datu Alonto Montawal Bangkulit,SB Members,LGU,Barangay Officials,mga mamamayan na mahilig magmotorsiklo at mga kaibigan.
Isang magandang halimbawa ng trail group ng FASTG ay pamimigay ng tulong sa mga sinalanta ng baha,gulo,kaalaman sa Resbakuna para hikayatin ang mga residente na magpabakuna at iba pa.
Naging matagumpay ang grupo ng FASTG dahil sa iisang adhikain na makatulong at magandang Samahan.
Malaking tulong rin sa FASTG ang presensya ng unang ginang ng bayan na si Bai Kristel Montawal na siyang nagplaplano at naghahanda sa tulong na ipamamahagi sa taumbayan katuwang mag-amang Mayor at Bise-Alkalde.
