DAGUPAN CITY- Agad binawian ng buhay ang isang tricycle driver matapos pagbabarilin habang natutulog sa kaniyang tricycle dito sa lungsod ng Dagupan.
Kinilala ang nasawing biktima na si Kenneth Barrozo , alyas japon , 29-anyos na residente ng Arellano St Pantal District Dagupan City.
Ayon sa impormasyon,natutulog umano ang biktima sa kaniyang tricycle nang nakarinig na lamang umano nang magkakasunod ng putok ng baril ang ilang tricycle drivers na nakaparada partikular na sa AB fernandez Avenue East .
Nang kanilang tignan ay dito na nila nakitang nakabulagta na sa semento ang biktima na duguan ang katawan.
Narekober naman sa pinangyarihan ng insedente ang walong basyo ng calibre 45 na baril.
Agad naman umanong tumakas ang suspek lulan ng isang motorsiklo.
Nagpapatuloy naman ang imbestigasyon ng kapulisan sa naturang insidente.
