-- Advertisements --
Nasayang muli ang pagpapakitang gilas ni Luka Doncic na may triple-double para sa Dallas pero hindi naman umubra sa Los Angeles Clippers, 99-109.
Nagposte ng kanyang ika-siyam na triple double ngayong season si Doncic na may 25 points, 16 assists at 10 rebounds.
Sa kampo ng Clippers nanguna si Kawhi Leonard na tumipon ng 22 points.
Ito na ang ika-26 na panalo ngayong season ng LA at 15 talo.
Si Paul George ay nagpakawala rin ng 15 points kung saan pitong mga Clippers ay nagtapos sa double figures para sa balanseng opensa.
Sa Mavs (20-18) ang isa pang player na si Kristaps Porzingis ay umiskor ng 22 points.
Muling magsasalpukan ang dalawang teams sa Huwebes.
