-- Advertisements --
Muling nagsagawa ng pag-iikot ang tropa militar ng China sa Hong Kong bilang paghahanda umano nito na tumulong sa pagpapanatili ng kapayapaan at katatagan sa kabila ng anti-government protests doon.
Inaasahan naman ng ilang Asian at Western diplomats ang pagkilos na ito ng People’s Liberation Army (PLA).
Napag-alaman din na nakumpleto na ng air, land, maritime forces ang naturang troop rotation.
Tinatayang nasa 8,000-10,000 sundalo naman ang nag-ikot sa magkahiwalay na bahagi ng Southern China at Hong Kong.
Una nang kinondena ng China ang patuloy na pangangalampag ng libo-libong nagpo-protesta sa Hong Kong.
Inakusahan din nito ang Estados Unidos at United Kingdom sa pangingialam di-umano ng mga ito sa karahasang nangyayari sa Hong Kong.
