-- Advertisements --
Binanatan ni US President Donald Trump si French President Emmanuel Macron dahil sa negatibong komento nito tungkol sa North Atlantic Treaty Organization (NATO).
Ayon kay Trump na isang pambabastos at nakakainsulto ang pahayag ni Macron na “brain dead” na ang nasabing NATO.
Ang nasabing komento ni Trump ay kasunod ng kaniyang pagdalo sa ika-70th anibersaryo ng nasabing Western military alliance na ginaganap sa London.
Ang NATO na inilunsad pagkatapos ng World War Two para mabantayan ang banta ng Soviet expansion.
Nagkasundo ang 29 member state na magtutulungan sakaling sila ay atakehin.
Nauna ng sinabi ni Macron na tila wala ng pakialam ang mga NATO members sa pangunahing usapin sa mundo.
