Nakuha ni dating US president Donald Trump ang nominasyon ng Republican para maging pambato ng partido sa pagkapangulo.
Sa ginawang Republican National Convention sa Milwaukee ay nakakuha ang dating pangulo ng sapat na bilang para maging nominado sa pagkapangulo ng partido.
Kasabay din nito ay inaunsiyo ng dating pangulo na ang kaniyang napili bilang runningmate sa pagka-bise presidente ay si Ohio Senator J.D. Vance.
Si Vance ay baguhan lamang na pumasok sa pulitika kung saan tinulungan siya ni Trump para manalo noong 2022.
Sa pagpasok nito sa Senado kinontra niya ang ilang mga panukalang batas lalo na ang pagbibigay ng ilang bilyong tulong ng US sa Ukraine.
Kilala din siyang malapit kay Trump Jr kung saan isa siyang veteran, author at venture capitalist.
