Nakatakdang pormal ng koronahan bilang Republican nominee sa pagkapangulo si dating US President Donald Trump.
Isasabay ito sa gaganaping Republican National Convention sa Milwaukee simula sa Hulyo 15.
Inaasahan na sa halos 2,400 na mga Repbulicans ay pormal na iindorso si Trump sa apat na araw na event.
Ito ang unang pagkakataon na maging host ang Milwaukee ng Republican National Convention at ang pangalawang sunod halalan na kabilang na ang lungsod sa convention season.
Noong 2020 ay napili ang lungsod subalit dahil sa COVID-19 pandemic ay isinagawa na lamang ito online.
Inaasahan din na ilalahad na ni Trump ang napupusuan niyang magiging Bise Presidente niya.
Ilan kasi sa mga matunog na tatakbong bise presidente ay sina North Dakota Gov. Doug Burgum, Florida Sen. Marco Rubio at Ohio Sen. J.D. Vance.
