CENTRAL MINDANAO-Binawian ng buhay ang isang Tsinoy sa pamamaril sa loob ng kanyang bahay sa Cotabato City.
Nakilala ang biktima na si Joseph Yu,60 anyos,may asawa at residente ng Don Cesar Street Barangay Poblacion 3 Cotabato City.
Ayon kay Cotabato City Police Office (CCPO)Police Station 1 Commander Major John Vincent Bravo,nasa kusina lang ng kanilang tahanan ang biktima nang bigla itong barilin ng di kilalang suspek gamit ang kalibre.45 na pistola.
Mabilis namang tumakas ang suspek habang agad binawian ng buhay ang biktima nang magtamo ng tama ng bala sa ulo.
Bago pinatay ang biktima ay nagkaroon umano ng pagtatalo sa suspek.
Sa ngayon ay may person of interest na ang pulisya na patuloy nilang iniimbestigahan na posibling may kinalaman sa pagpaslang sa biktima.
