-- Advertisements --
CAUAYAN CITY – Namatay ang isang tsuper matapos malunod sa Abuan River sa barangay Cabisera 10, San Antonio, Ilagan City.
Ang nalunod ay si Valery John Nicholo Gatchalian, 31 anyos, may-asawa at residente ng purok 4, Malalam, Ilagan City.
Lumabas sa imbestigasyon ng mga otoridad na nagtungo ang biktima kasama ang kanyang mga kamag-anak sa ilog upang mag-piknik.
Matapos mag-inuman, ang biktima ay lumangoy sa ilog ngunit dahil sa malakas na agos ng tubig ay napunta sa malalim na bahagi ng ilog na sanhi ng kanyang pagkalunod.
Matapos makuha ang katawan ng biktima ay kaagad isinugod sa pagamutan ngunit idineklarang dead on arrival ng kanyang attending Physician
