ROXAS CITY – Halos hindi parin ngayon makapaniwala ang dalawampu’t limang taong gulang na tubong Roxas City Capiz na pumwesto ito bilang Top 1 sa kalalabas lamang na resulta ng November 2023 Dentistry Licensure Examination.
Ito ang ibinahagi ni Anne Nicole Caeg ng makapanayam ng Bombo Radyo Roxas.
Aniya, hindi nito inaasahang mabibilang ito bilang topnotcher sa inilabas na resulta dahil ang nais lamang nito ay pumasa sa nasabing exam.
Napag-alaman na lumaki sa Brgy. Lawaan Roxas City si Caeg at nagtapos ng kanyang elementarya sa Capiz Commercial School at Hua Siong College naman sa Iloilo City para sa kanyang sekondarya bago lumipat ng Maynila para mag aral sa University of the East para sa kanyang kolehiyo.
Dagdag pa nito na childhood dream na nya ang maging isang dentista, kaya’t laking tuwa na lamang nito ng malamang siya ay pumasa.
Lubos naman ang pagpapasalamat ni Caeg sa Poong Maykapal matapos ito pumwesto bilang Top 1 at sa suporta ng kanyang pamilya at mga kaibigan atsa mga taong naniwala sa kanyang kakayahan.
