Inanunsyo ng The Technological University of the Philippines (TUP) Manila na suspendido ang kanilang klase sa Lunes, Abril 7 at Martes, Abril 8, kasunod ng pagkahulog ng 23-anyos na lalaki sa ika-apat na palapag ng unibersidad.
Ayon sa TUP USG –Manila, ipinag-utos ng university administration ang remote asynchronous learning sa Lunes bilang paggalang sa pag-panaw nito na mula sa College of Industrial Education.
‘As a sign of respect and solidarity, April 7 shall be observed as a Day of Mourning to allow space for community reflection and grieving,’ nakatala sa memorandum na kanilang i-pinost sa kanilang social media.
Sa Martes, ilulunsad ang remote synchronous learning (RSL) dahil sa naka-schedule na water service interruption ng Maynilad sa lugar.
Ang mga hakbang ay alinsunod sa kahilingan ng student government para sa mas maayos na kaligtasan at kaginhawaan ng mga estudyante.
