-- Advertisements --
Pumanaw na ang US comedian and actor Bob Saget sa edad 65.
Kinumpirma ito ng kaniyang kaanak subalit hindi na nagbigay pa ng anumang detalye.
Base sa ilang impormasyon mula sa Orange County Sheriff Office, natagpuan ang bangkay ni Saget sa isang kuwarto ng Ritz-Carlton Orlando , Grande Lakes.
Wala pang anumang detalyeng inilabas ang mga otoridad sa kamatayan ng actor.
Nakilala si Saget sa pagganap nito bilang Danny Tanner sa sitcom na “Full House”.
Nagkaroon rin ito ng maraming mga show bilang stand-up comedian sa iba’t-ibang mga bars sa US.
Bumuhos naman ng pakikiramay at kalungkutan mula sa mga nakasama nito sa sitcom matapos na malaman ang pangyayari kay Saget.
