-- Advertisements --
Patuloy pa ring nakakapagtala ng record high COVID cases ang Estados Unidos makaraang magrehistro ang 153,496 na mga bagong kaso.
Ayon sa report ng Johns Hopkins University ito ang unang pagkakataon sa Amerika na mahigit sa 150,000 ang COVID-19 cases sa loob lamang ng isang araw.
Ito rin ang ika-10 sunod na araw na tuloy-tuloy ang 100,000 cases na naitatala.
Sa ngayon merong ng 10,552,821 COVID-19 cases ang Amerika.
Umakyat na rin ang death toll sa 242,423 makaraang may panibagong maidagdag na mga namatay na umaabot sa 919.
Ang naturang bilang ng mga COVID cases ay nagmula sa 50 mga estado at sa District of Columbia.
