US nagtala na ng mahigit 1-M kaso ng coronavirus

Pumalo na sa mahigit one million ang mga naitatalang nagpositibo sa coronavirus sa Estados Unidos.

Sa pinakahuling talaan ng worldmeters at World Health Organization (WHO) mayroon ng 1,029,179 ang nadapuan ng virus kung saan 18,823 dito ay mga bagong kaso.

Nasa 58,568 ang kabuuang nasawi sa nasabing virus at mayroong 1,771 naman ang panibago na namang mga namatay.

Kaugnay nito, minaliit lamang ni US President Donald Trump ang nasabing bilang at sinabing kaya tumataaas ang bilang ay dahil sa resulta ng kanilang ginagawang malawakang coronavirus testing.