Nakikipag-ugnayan na ngayon ang Estados Unidos sa mga bansang Israel at Egypt para sa ligtas na paglikas ng mga sibilyang naipit sa kaguluhan sa Gaza.
Ito ay sa gitna nga ng nagpapatuloy na sagupaan sa nasabing lugar nang dahil sa umiigting na sigalot sa pagitan ng mga militanteng grupong Hamas at Israeli defense forces.
Sa isang pahayag ay tumanggi muna si US national security adviser Jake Sullivan na ibahagi ang mga detalye ukol dito ngunit sinabi niyang patuloy ang kanilang isinasagawang consultation nito kasama ang iba’t-ibang mga operational agencies.
Kung maalala, ginantigan ng Israel ang pananalakay ng Palestinian nang magpakalawa ito ng air strike sa Gaza matapos ang pag-atake ng militanteng grupong Hamas sa Israel noong Sabado na nag-iwan ng libo-libong patay.
