Laglag na sa US Open si five-time champion Roger Federer matapos itong payukuin ni Grigor Dimitrov ng Bulgaria sa isang umaatikabong bakbakan.
Bagama’t wagi si Federer sa lahat ng pito nilang paghaharap, bumawi si Dimitrov upang magwagi 3-6 6-4 3-6 6-4 6-2.
Isa sa naging sanhi ng pagkabigo ng 38-year-old Swiss ay ang natamo nitong back injury.
Sunod na haharapin ni Dimitrov ang Russian fifth seed Daniil Medvedev sa last four.
“Clearly in the end he was not at his best. I used every opportunity I had,” wika ni Dimitrov.
Sa panig naman ni Federer, nahirapan daw ito dahil sa ininda nito ang pananakit ng kanyang likod sa kabuuan ng match.
“I feel low. I’m disappointed it is over because I feel as I though I was playing well,” ani Federer.
“It is a missed opportunity. I thought if I could get through I’d have two days off after.”
