Nakuha ng US Gymnastic team ang gold medal sa nagpapatuloy na Paris Olympics.
Nanguna sa panalo ng USA Gymnast team si Simone Biles para makuha nito ang ikalimang Olympic gold medal.
Kasama nito sa koponan sina Suni Lee, Jordan Chiles at Jade Carey na pinainit ang Bercy Arena at tuluyang talunin ang Italy at Brazil sa team final.
Nakumpleto ni Biles ang lahat na apat na exercises gaya ng vault, uneven bars, balance beam at floor.
Mayroon ng kabuuang walong beses na sumabak sa Olympic podium si Biles dahil nagwagi ito ng apat na golds at bronze noong 2016 Rio Games at silver at bronze medal naman noong 2020 Tokyo Olympics.
Nakatakda pa itong sumabak sa apat pang final events sa Paris kung saan siya ang paboritong manalo sa lahat.
Naging star-studded ang nanood dahil bukod sa asawa nitong si NFL star Jonathan Owens ay nanood din ang actress na si Nicole Kidman, Natalie Portman, Jason Kelce at tennis star Serena Williams.
