Sa mga kamakailang kontrobersiya na humahabol sa Philippine National Police dahil sa umano’y iregularidad na ginawa ng ilang opisyal, hinimok ng Volunteers Against Crime and Corruption (VACC) si Pangulong Marcos na magpatupad ng iron first policy sa PNP.
Sinabi ni VACC president Arsenio Evangelista na dapat isaalang-alang ng Pangulo ang ginawa ng kanyang hinalinhan na si dating pangulong Rodrigo Duterte sa PNP, na magpatupad ng iron fist policy na naghasik ng takot sa hanay ng pulisya.
Ginawa ni Evangelista ang pahayag bilang tugon sa mga pinakabagong isyu na kinakaharap ng PNP.
Kabilang dito ang pagpatay sa 17-anyos na si Jerhode Baltazar ng mga pulis sa Navotas City, na kaso ng mistaken identity.
Sa isa pang insidente, sinampahan ng kasong robbery ang mga anti-narcotics operatives ng Imus police station sa Cavite matapos umanong dambongin ang bahay ng isang retiradong guro sa anti-drug operation.
At sa Taguig, binaril ng isang opisyal ang isang kapwa pulis sa isang mainit na pagtatalo sa loob ng police station nito.
Para kay Evangelista, dapat ipatupad ni Marcos ang parehong patakaran para maibalik ang disiplina sa puwersa ng pulisya.
