-- Advertisements --
Umusok ng husto sa init ang mga kamay ni Fred VanVleet upang talunin ng defending NBA champion na Toronto Raptors ang Miami Heat, 107-103.
Umiskor ng career-high na 36 points si VanVleet, kasama na ang binitawan nitong pitong 3-points, at perpektong 13 of 13 din ito sa foul line.
Maliban kay VanVleet, umalalay din sina Pascal Siakam na may 22 points, at Kyle Lowry na pumoste ng 14 points at walong rebounds.
Sumandal naman ang Heat kay Goran Dragic na may 25 points.
Sunod na haharapin ng Raptors ang Orlando Magic sa Huwebes.
Habang ang Heat naman ay makakasagupa ang Boston Celtics.
