Vegetable vendor patay matapos sumalpok ang motorsiklo sa trak

ROXAS CITY – Patay ang 24-anyos na vegetable vendor matapos nabangga ang minamaneho na motorsiklo sa isang trak sa Sitio Ilo, Barangay Bula, Mambusao, Capiz.

Nagtamo ng malubhang sugat sa ulo at katawan ang biktima na si Marvic Ocaso ng Barangay Bilao, Sapian.

Lumalabas sa imbestigasyon ng mga kapulisan habang binabaybay ng biktima ang kalsada sa Barangay Bula, Mambusao, nag-overtake ito sa dalawang mga sasakyan.

Aksidente naman nito nabangga ang likuran bahagi ng trak na minamaneho ni Alberto Dominguez, 49, ng Barangay Cupang, Muntinlupa City, Metro Manila.

Dinala pa sa ospital ang biktima, ngunit idineklara na dead on arrival ng doktor.