Inilipat ng organizers ng concert ng American progressive metal band na Dream Theater ang kanilang concert venue sa bansa.
Ayon sa Ovation Production, na isasagawa na New Frontier Theater sa Quezon City mula sa unang Araneta Coliseum ang nasabing concert.
Paglilinaw ng organizer na walang dapat ikabahala ang mga nakabili na ng tickets dahil kanilang susundin ang mga seating arrangement na ipinatupad sa Araneta Coliseum.
Habang simula ngayong Mayo 1 na ang mga nakabili ng tickets online ay hindi na nila kikilalanin at mayroong electronic tickets ang kanilang matatangap sa kanilang email.
Habang ang mga nakabili ng tickets sa mga outlets ay kanilang isusurrender ito at papalitan ito ng bago.
Magaganap ang concert ng banda sa darating na Mayo 4 ng alas-8 ng gabi.
Magugunitang inilabas ng banda noong Oktubre, 2022 ang kanilang ika-15 studio album na “A View From The Top of the World”.
