Nakatakdang suriin ng Philippine Overseas Employment Administration (POEA) at ng Philippine Philippine Overseas Labor and Office (POLO) ang verification guidelines sa gitna ng pansamantalang pagsususpinde nito sa pagproseso at deployment ng mga bagong-hire na household service worker sa Kingdom of Saudi Arabia.
Ayon kay POEA administrator Atty. Bernard Olalia, layunin ng pansamantalang pagsususpinde ay suriin ang mga alituntunin sa pag-verify ng POLO.
Binanggit ni Olalia ang kaso ng isang household service worker sa KSA, na ang kumpletong pangalan at address ng employer ay hindi nakasaad sa ilalim ng kontrata sa pagtatrabaho.
Ang household service worker (HSW) ay inilipat sa huli sa isang blacklisted na employer.
Magugunitang, naglabas ng memorandum si Department of Labor Secretary Silvestre Bello III na nag-uutos sa POLO na pansamantalang itigil ang beripikasyon ng mga bagong-hire na domestic worker.
Ayon sa ulat, exempted sa deployment ban ang mga domestic worker at skilled workers na nag-renew ng kontrata.
